HIS chamber was
Ful wel depainted, and with glas
Were al the windowes wel yglased,
Ful clere, and not a hole ycrased,
That to beholde it was grete joy;
For wholly al the storie of Troy
Was in the glaising ywrought thus;
Of Hector and kinge Priamus,
Achilles and kinge Lamedon,
And eke Medea and Jason,
Of Paris, Heleine and Lavine:
And al the walles with colours fine
Were painted, both the texte and glose,
And al the Romaunt of the Rose.