Wen storm come
yuh bawl
'get flat'
an watch mountain
rub a dub
troo de sea
from Brixton
to Elleston Flats
yuh can see de wukkin riddim
ben de people dem back
'haad wuk kean kill yuh, son'
but Manson
kar im boson
gawn a boneyard
im sey a wouldn see im
wen a reach back home
an Aunt May gi mi a letta
to de relative a Englan, sey
time harder
dan weh did mek yuh lef
time hard
an yuh people dem a fret
de relative reply
a nuh forget we forget
but yah so nuh no betta
a me three pickney nah wuk
two side a de ocean
de laughline sink
like de mercury
prior to de storm
two side a de ocean
de riddim jus a bawl
'get flat, everybady get flat'
an ah see a whole sea
a ben back